Zemļi zvaigzneite pōrgōja (2x) Pa tū mīžu leidumiņ`. (2x)
Svātō Mōra pōrtecēja, Atnas jaunu orōjeņu.
Kur tecēsi, mīlō Mōra, Bez sauleitis vokorā?
Tōs sēteņas apraudzeit(i), Kur bērneņi bōrineiši.
Pi Mōreņas spūdri lūgi, Boltu duru ustabeņ`.
Tī nakseņu saule guļ, Tī dīneņu mēnesneit`s.
Tī pōrguļ(i) dvēseleites, Atejamys, aizejamys.
Šķir, Dīveņ(i), lielus karus, Žāloj ļauži dvēseleiš`.
Svāta Mōra pīkususe, Dvēseleites nosōdam`.
Jem Dīveņi pi rūceņas, Garu ceļu staigojūt.
Ni man tāva, ni mameņis, Pi rūceņs vodōtōj`.
|